paani main ek aag lagade ishq tera ,
dekh mujhe pagal na banade ishq tera,
sadiyon se sakht woh burf hoon main ,
pighal jaaye jo chhule ishq tera ,
raftaar pakad legi yeh ruki si zindagi
ek kadam mere saath jo ho ishq tera,
yeh samandar sookh jaayenge ashkon ke
suraj agar jo ban gaya ishq tera
khushk hont bheeg jaayenge yeh mere ,
dariya agar jo ban gaya ishq tera
band kardiya hain is dil ne dhadakna ab,
dhadkan mil jaaye agar ho ishq tera,
mit jaaynege sine se har zakhm
marham jo ban jaaye ishq tera
paani main ek aag lagade ishq tera ,
dekh mujhe pagal na banade ishq tera.
No comments:
Post a Comment
Your FeedBack